घरातून चार मोबाईल चोरीला, आरोपीविरुद्ध गुन्हा दाखल

निगडी: घरातून 39 हजार रुपयांचे चार मोबाईल चोरीला गेले आहेत. ही घटना निगडीतील यमुनानगर येथे घडली.

सुशांत बळवंत लोंढे (वय 21, रा. यमुनानगर, निगडी. मूळ रा. कोल्हापूर) यांनी याप्रकरणी निगडी पोलीस ठाण्यात फिर्याद दिली आहे. त्यानुसार अज्ञात चोरट्याच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी आणि त्यांचे तीन मित्र यमुनानगर येथील अजिंक्य रामभाऊ उबाळे यांच्या खोलीत भाड्याने राहतात. रविवारी सकाळी सहा ते साडेसात वाजताच्या कालावधीत फिर्यादी यांच्या खोलीचा दरवाजा उघडा होता. उघड्या दरवाजावाटे आत येऊन चोरट्याने फिर्यादी आणि त्यांच्या तीन मित्रांचे 39 हजारांचे मोबाईल फोन चोरून नेले.

निगडी पोलीस तपास करीत आहेत