मांडी येनपुरे व त्याच्या साथीदारावर मोक्का कारवाई

कोथरूड: सागर उर्फ मांडी तानाजी येनपुरे व त्याच्या साथीदारावर कोथरूड पोलिसांनी मोक्काची कारवाई केली आहे.

सागर येनपुरे(कोथरूड) हा टोळी प्रमुख असून त्याचे टोळीतील साथीदार साहिल विनायक जगताप, अक्षय दामु वाळुंज, सुरेश कतालीदास वाजे, वैभव उर्फ प्रदिप जगताप सर्व राहणार कोथरूड यांच्यावर पोलिसांनी मोक्का अतंर्गत कारवाई केली आहे.

पोलिसांनी दिलेल्या माहितीनुसार, आरोपी हे पोलिसांच्या रेकॉर्डवर होते. त्यांच्यावर खुनाचा प्रयत्न, दरोडा, जबरी चोरी, धमकावणे, गर्दी जमवून परिसरात दहशत पसरवणे असे गुन्हे दाखल होते. त्यांना वारंवार सुचना देऊनही पोलिसांच्या आदेशाचे उल्लंघन केल्याने कोथरूड पोलिसांनी अखेर आरोपींवर मोक्का अंतर्गत कारवाई केली आहे. याचा पुढील कोथरूड विभागाच्या तपास सहायक पोलीस आयुक्त रुक्मिणी गलांडे करत आहेत.