बेकायदेशीर पिस्तूल बाळगणारा तरुण जेरबंद

पुणे: बेकायदेशीररित्या पिस्तूल बाळगणाऱ्या तरुणाला सिंहगड रोड पोलिसांनी सापळा रचून बेड्या ठोकल्या आहेत. त्याच्याकडून एक पिस्तूल व एक जिवंत काडतूस जप्त करण्यात आले आहे.

केशव अशोक राठोड (वय २४, रा.चरवड वस्ती, वडगाव बुद्रुक) असे अटक करण्यात आलेल्याचे नाव आहे. या प्रकरणी सिंहगड रोड पोलीस ठाण्यात आर्म अॅक्टनुसार गुन्हा दाखल करण्यात आला आहे.

पोलिसांनी दिलेल्या माहितीनुसार, शहरातील वाढत्या गुन्ह्यांना आळा घालण्यासाठी स्थानिक पोलिसांना हद्दीत गस्त घालण्याची सूचना करण्यात आली आहे. यानुसार सिंहगड रोड पोलीस हद्दीत गस्त घालत होते. या दरम्यान पोलीस अंमलदार अमेय रसाळ व देवा चव्हाण यांना बातमीदारमार्फत माहिती मिळाली की, सिंहगड क्षेत्रिय कार्यालयाच्या पाठिमागील डीपी रोडला एकजण पिस्तूल घेऊन उभा आहे. त्यानूसार सहाय्यक आयुक्त सुनील पवार यांच्या मार्गदर्शनाखाली वरिष्ठ पोलीस निरीक्षक शैलेश संखे, पोलीस निरीक्षक (गुन्हे) जयंत राजुरकर, सहाय्यक निरीक्षक सचिन निकम, पोलीस अंमलदार अमेय रसाळ व त्यांच्या पथकाने सापळा रचून पकडले.

तत्पुर्वी पोलिसांची चाहूल लागताच केशव हा पळाला. पण, पोलिसांनी त्याला लागलीच पाठलाग करून पकडले. त्याची झडती घेतल्यानंतर त्याच्या कंबरेला एक पिस्तूल व एक जिवंत काडतूस मिळाले. पोलिसांनी ते जप्त केले असून, त्याने हे पिस्तूल कोणाकडून आणले व त्याचा वापर तो कुठे करणार होता, याचा तपास केला जात आहे.