चतु:शृंगी पोलीस ठाण्याचे दोन कर्मचारी लाच घेताना ताब्यात, लाच लुचपत प्रतिबंधक विभागाची कामगिरी

पुणे: लाच लुचपत प्रतिबंधक विभागाने चतु:शृंगी पोलीस ठाण्याच्या दोन कर्मचाऱ्यांना लाच घेताना रांगेहात ताब्यात घेतले आहे.

चतु:शृंगी पोलीस ठाण्यात कार्यरत असलेले पोलीस हवालदार प्रशांत जाधव व पोलीस शिपाई अजित गायकवाड यांना ताब्यात घेण्यात आले आहे.

पोलिसांनी दिलेल्या माहितीनुसार, पाटील यांनी ‘तक्रारदार यांच्याकडून तक्रारदार यांच्या आतेभावावर चोरीचा गुन्हा दाखल न करण्यासाठी ५०,०००/- रुपये लाचेची मागणी पोलिसांनी केली होती. तडजोडी अंती ती रक्कम 25,000 रुपये करण्यात आली. पोलीस हवालदार प्रशांत जाधव व पोलीस शिपाई अजित गायकवाड यांना 25,000 रुपये स्वीकारल्यावर त्यांना रंगेहाथ ताब्यात घेतले आहे.

सदरची उल्लेखनिय कामगिरी श्रीहरी पाटील, सहाय्यक पोलीस आयुक्त/ पोलीस उपअधीक्षक (प्रशासन) लाचलुचपत प्रतिबंधक विभाग(ला.प्र. वि ) यांनी केली.