लग्नाच्या आमिषाने तीन वर्षे लैंगिक अत्याचार, आरोपीविरुद्ध गुन्हा दाखल

खराडी: लग्नाचे आमिष दाखवून एका 22 वर्षीय तरुणीवर लैंगिक अत्याचार केल्याचा प्रकार समोर आला आहे. तर या तरुणीसोबत लग्न करण्यास टाळाटाळ केली असल्याचे तक्रारीत म्हटले आहे.

याप्रकरणी चंदननगर पोलीस ठाण्यात विजय अण्णासाहेब दळवी (रा. करमाळा, जि. सोलापूर) या तरुणावर गुन्हा दाखल करण्यात आला आहे. याबाबत 22 वर्षीय तरुणीने तक्रार दिली आहे. 2019 ते 2022 या कालावधीत खराडी बायपास परिसरात घडली आहे.

पोलिसांनी दिलेल्या माहितीनुसार, तक्रारदार तरुणी मुळची नागपूर येथील असून, तिची व विजय हिची पुण्यात ओळख झाली होती. त्याने लग्नाचे आमिष दाखविले व तिच्याशी शारिरीक संबंध प्रस्थापित केले. पण, लग्न करण्यास टाळाटाळ केली. दरम्यान, तरुणीने करमाळा पोलीस ठाण्यात तक्रार दिली होती. पोलिसांनी गुन्हा दाखलकरून तो चंदननगर पोलिसांकडे तपासासाठी वर्ग केला आहे. पुढील तपास पोलीस करत आहेत.