स्पा सेंटरवर छापा, दोन पिडीतांची सुटका

वारजे माळवाडी: वारजे माळवाडी परिसरातील अक्षय कॉलनीमध्ये सुरु असलेल्या ओम स्पावर छापा टाकला आहे. ही कारवाई पुणे पोलिसांच्या सामाजिक सुरक्षा विभागाने कारवाई केली असून स्पा मॅनेजरला अटक केली आहे. तर दोन पीडित मुलींची यावेळी सुटका करण्यात आली आहे.

पोलिसांनी संदीप संतोष तिवारी (वय 23) याला अटक केले असून आकाश प्रकाश साळवे याच्यावर गुन्हा दाखल करण्यात आला आहे.या प्रकरणी पोलीस हवालदार राजेंद्र कुमावत यांनी वारजे माळवाडी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, वारजे माळवाडी येथील ओम स्पामध्ये मसाजच्या नावाखालीवेश्या व्यवसाय केला जात असल्याची गोपनीय माहिती पोलिसांना मिळाली. त्यानुसार पोलिसांनी बनावट ग्राहक पाठविला.त्याने इशारा करताच सोमवारी सायंकाळी साडेपाच वाजता ओम स्पावर सामाजिक सुरक्षा विभागाच्या पथकाने छापा टाकला. तेथे दोन महिलांकडून वेश्या व्यवसाय करवुन घेतला जात होता.संदीप तिवारी या मॅनेजरला अटक करण्यात आली असून त्यांच्याकडून 12 हजार रुपयांचा मुद्देमाल जप्त करण्यात आला आहे. आरोपी स्पा मॅनेजर व पिडीत महिलांना पुढील कारवाई करीता वारजे माळवाडी पोलीस स्टेशनच्या ताब्यात देण्यात आले आहे.

सदरची कारवाई सामाजिक सुरक्षा विभागाचे वरिष्ठ पोलीस निरीक्षक विजय कुंभार तसेच सहायक पोलीस निरीक्षक अश्विनी पाटील, पोलीस अंमलदार, राजेंद्र कुमावत, बाबा कर्पे, आण्णा माने, इरफान पठाण, हणमंत कांबळे, पुष्पेंद्र चव्हाण, संदीप कोळगे या पथकाने केली आहे.