पावणे तीन लाखांचे अंमली पदार्थ जप्त,अंमली पदार्थ विरोधी पथक दोन यांची कामगिरी

पुणे: फरासखाना व बंडगार्डन येथे आज (दि.10) या एकाच दिवशी पावणे तीन लाखांचे आंमली पदार्थ जप्त करण्यात आले आहेत. ही कारवाई अंमली पदार्थ विरोधी पथक 2 यांनी केली आहे.

यामध्ये पोलिसांनी जाहिदुल मोतेहर मलीक उर्फ आकाश मंडल (वय 24 रा.बुधवारपेठ), अलफहाद वजीर सय्यद (वय 27 रा.पुणे कॅम्प) व शहारुख बाबु शेख (वय 29 रा. कोंढवा) अशी अटक आरोपींची नावे आहेत.

पोलिसांनी दिलेल्या माहितीनुसार, अंमली पदार्थ विरोधी पथक पोलिसांच्या तपासी पथकाला गस्त घालत असताना फरासखाना पोलीस ठाण्याच्या हद्दीत क्रांती चौक येथे मंडल हा संशयीतरित्या उभा असल्याचे पोलिसांना कळले. त्यानुसार पोलिसांनी मंडल याला ताब्यात घेत त्याच्याकडून 76 हजार रुपयांचे 38 ग्रॅम मॅस्केलाईन अंमली पदार्थाच्या 38 गोळ्या 10 हजार रुपायांचा मोबाईल असा एकूण 86 हजार रुपयांचा ऐवज जप्त केला.

बंडगार्डन येथील कारवाईमध्ये पुणे स्टेशन परिसरात मोपेडवरून दोन इसम संशयीत रित्या फिरत असल्याचे समोर आले. पोलिसांनी त्यांना ताब्यात घेऊन अंगझडती घेतली असता 2 लाख रुपयांचा 10 ग्रॅम वजनाचे मेफेड्रॉन हा अंमली पदार्थ 40 हजार रुपयांची दुचाकी, 20 हजार रुपयांचे दोन मोबाईल असा एकूण 2 लाख 60 हजार रुपयांचा एवज जप्त करण्यात आला आहे. आरोपी विरोधात फरासखाना व बंडगार्डन पोलीस ठाण्यात गुन्हा दाखल करण्यात आला असून पोलीस पुढील तपास करत आहेत.