हुक्कापार्लवर कारवाई, पाच लाखांचा मुद्देमाल जप्त

कोंढवा: पोलिसांना कोंढवा व विमाननगर परिसरात मोठ्या आवाजत सांऊड सिस्टीम सुरु असल्याच्या तक्रारी आल्या होत्या. त्यानुसार पुणे पोलिसांच्या सामाजिक सुरक्ष विभागाने कारवाई करत बेकायदेशीर रित्या सुरु असलेल्या हुक्का पार्लरवर कारवाई करत पाच लाखांचा मुद्देमाल जप्त केला.

यामध्ये पोलिसांनी सिल्वर स्पून हॉटेल मध्ये छापा टाकताच तेथे बेकायदेशीर हुक्का पार्लर असल्याचे समोर आले. तसेत तेथे मोठ्या आवाजात संगित सुरु होते. यावेळी पोलिसांनी 2 लाख 85 हजार रुपयांचे सांऊड सिस्टीम,3 मस्कियूटर्स जप्त केले. तर विमाननगर येथेही एका हॉटेलमधून मोठ्या आवाजात सुरु असलेले 2 लाख 34 हजार रुपयांचे सांऊड सिस्टीम असा एकूण 5 लाख 19 हजार रुपयांचा मुद्देमाल पोलिसांनी जप्त केला. पुढील कारवाईसाठी जप्त मुद्देमाल कोंढवा व विमान नगर पोलिसांच्या ताब्यात देण्यात आला आहे.

सदरची करवाई सामाजीक सुरक्षा विभागाचे वरीष्ठ पोलीस निरीक्षक विजय कुंभार, सहायक पोलीस निरीक्षक अनिकेत पोटे, पोलीस अमंलदार राजेंद्र कुमावत,बाबा कर्पे, अजय राणे, मनिषा पुकाळे, आण्णा माने, हणमंत कांबळे, इरफान पठाण, अमित जमदाडे, पुष्णेंद्र चव्हाण या पथकाने केली.