प्रतिबंधित गुटखा विक्री साठी साठवल्या प्रकरणी, दोन टाळकी जेरबंद

पिंपरी: गुटखा साठवणूक केल्याप्रकरणी अंमली पदार्थ विरोधी पथकाने दोघांवर गुन्हा दाखल करून एकास अटक केली आहे. ही कारवाई संत तुकारामनगर पिंपरी येथे करण्यात आली.

बापू उर्फ बापूसाहेब महादेव जिंजरे (वय 37, रा. संत तुकाराम नगर, पिंपरी) याला अटक केली आहे. त्याला गुटखा पुरविणारा दर्शन (पूर्ण नाव माहिती नाही. रा. विजापूर, कर्नाटक) याच्या विरोधातही गुन्हा दाखल करण्यात आला आहे. याप्रकरणी पोलीस शिपाई सदानंद रुद्राक्षे यांनी पिंपरी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, आरोपीने त्याच्या घरात प्रतिबंधित गुटखा विक्री साठी साठवून ठेवला असल्याची माहिती अंमली पदार्थ विरोधी पथकाला मिळाली. त्यानुसार पोलिसांनी गुरुवारी सायंकाळी साडेपाच वाजेच्या सुमारास जंजिरे याच्या घरावर छापा मारून कारवाई केली. त्यात दोन लाख 11 हजार 292 रुपयांचा गुटखा जप्त केला आहे. त्याला दर्शन याने गुटखा पुरवला असल्याने त्याच्या विरोधात देखील गुन्हा दाखल करण्यात आला आहार. पिंपरी पोलीस तपास करीत आहेत.