कत्तलीसाठी जनावरांची वाहतूक करणारे दोन टाळकी जेरबंद

दिघी: कत्तलीसाठी जनावरांची वाहतूक करणाऱ्या दोघांना दिघी पोलिसांनी ताब्यात घेतले आहे. त्यांच्याकडून दोन जनावरांची सुटका करण्यात आली आहे. ही कारवाई बोपखेल येथे करण्यात आली.

अश्रफ शौकत खान (रा. येरवडा), दिलीप सुरेश घुले (रा. बोपखेल) अशी ताब्यात घेतलेल्या आरोपाची नावे आहेत. याप्रकरणी मानद पशुकल्याण अधिकारी निलेश विजय चासकर (वय 33) यांनी दिघी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, आरोपींनी त्यांच्या टेम्पोत दोन बैल कत्तलीसाठी भरले. त्यांना टेम्पोमध्ये चारा पाण्याची आरोपींनी व्यवस्था केली नाही. याबाबत माहिती मिळाल्यानंतर पोलिसांनी पुणे-आळंदी रोडवर बोपखेल येथे टेम्पो अडवून कारवाई केली. साडेतीन लाखांचा टेम्पो आणि सहा हजारांचे दोन बैल पोलिसांनी जप्त केले आहेत. दोघांना याप्रकरणी ताब्यात घेतले आहे. दिघी पोलीस तपास करीत आहेत.