मेट्रोमोनीयल फ्रॉड! लग्नाच्या आमिषाने तरुणीवर लैंगिक अत्याचार

पुणे: मेट्रोमोनीयल साईटवरून ओळख झालेल्या व्यक्तीने तरुणीसोबत लग्न करणार असल्याचे आमिष दाखवून तिच्यावर लैंगिक अत्याचार केला. हा प्रकार मारुंजी येथे घडला.

याप्रकरणी २६ वर्षीय तरुणीने शनिवारी (दि.19) हिंजवडी पोलीस ठाण्यात फिर्याद दिली आहे. त्यानुसार कुशल आलोक जौहरी (रा. प्रयागराज, उत्तर प्रदेश) याच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी आणि आरोपी यांची शादी डॉट कॉम या मेट्रोमोनीयल साईटवरून ओळख झाली. आरोपीने फिर्यादी सोबत लग्न करणार असल्याचे सांगितले. तसेच त्याने फिर्यादींसोबत कुंकवाचा देखील कार्यक्रम केला. फिर्यादीचा विश्वास संपादन करून आरोपीने त्यांच्यावर लैंगिक अत्याचार केले असल्याचे फिर्यादीत म्हटले आहे. हिंजवडी पोलीस तपास करीत आहेत.