हमाल पंचायत निवडणुकीत एकनिष्ठ पॅनेलचा सर्व जागा जिंकत एकतर्फी विजय; अध्यक्षपदी गोरख मेंगडे

प्रतिनिधी : सचिन गाडे
पुणे : ज्येष्ठ कामगार नेते डॉ. बाबा आढाव यांच्या निधनानंतर झालेल्या हमाल पंचायतच्या त्रैवार्षिक निवडणुकीत गोरख मेंगडे यांची अध्यक्षपदी निवड झाली आहे. मेंगडे यांच्या नेतृत्वाखालील पॅनेलने या निवडणुकीत दणदणीत विजय मिळवला.
या निवडणुकीत हमाल पंचायत एकनिष्ठ पॅनेल आणि परिवर्तन पॅनेल यांच्यात थेट सामना झाला होता. मात्र, एकनिष्ठ पॅनेलने सर्वच्या सर्व जागांवर विजय मिळवत आपले वर्चस्व सिद्ध केले.
अध्यक्षपदी गोरख मेंगडे यांच्यासह उपाध्यक्षपदी विष्णू गर्जे , दत्तात्रय डोंबाळे आणि सोपान धायगुडे यांची निवड झाली. तसेच सरचिटणीसपदी अंकुश अवताडे, खजिनदारपदी चंद्रकांत मानकर यांची निवड झाली आहे. सहचिटणीसपदी मंगेश फुंदे , विनोद शिंदे, अरुण डोलारे आणि वत्सला गवळी हे निवडून आले आहेत.
आठ पदांसाठी झालेल्या या निवडणुकीत एकनिष्ठ पॅनेलने सर्व जागा जिंकत एकतर्फी विजय संपादन केला.