तडीपारी संपलेल्या सराईत गुंडावर कोयताने हल्ला करत केला खून

चाकण: तडीपारी संपलेल्या गुन्हेगारावर 8 ते 10 जणांच्या टोळक्याने कोयताने हल्ला करून केला खून, मित्र किरकोळ जखमी

या प्रकरणात मोनेश घोगरे, वय 21 वर्षे, रा. खंडोबा माळ, चाकण या तडीपारी संपलेल्या गुन्हेगाराचा मृत्यू झाला आहे. त्याचा मित्र अमोल लाटुकर हा किरकोळ जखमी झाला आहे.

पोलिसांनी दिलेल्या माहितीनुसार,मयत गुन्हेगार मोनीश घोगरे ह्याला 2 वर्षांसाठी तडीपार करण्यात आले होते. त्याची तडिपारी दीड महिन्यापूर्वी संपलेली होती. तो काल रात्री 11 वा त्याच्या मित्रासोबत घरी जात असताना चाकण मार्केट येथे 8 ते 10 जणांनी कोयत्याने त्यांच्यावर हल्ला केला.’

ते पुढे म्हणाले की, घोगरे च्या डोक्यावर व इतर ठिकाणी शरीरावर वार झाल्याने त्याचा जागीच मृत्यू झाला होता. त्याच्या मित्राच्या पाठीत व मानेवर कोयत्याने वार करण्यात आले आहेत. त्याच्यावर पिंपरी येथील यशवंतराव चव्हाण रुग्णालयात उपचार सुरु आहेत.