संतश्रेष्ठ श्री ज्ञानेश्वर महाराज संजीवन समाधी सोहळा संपन्न

आळंदी: अलंकापुरी मध्ये संतश्रेष्ठ श्री ज्ञानेश्वर महाराज 726 वा संजीवन समाधी सोहळा दि.22 रोजी संपन्न झाला. सकाळी 7 ते 9 या वेळेत ह भ प हैबतबाबा पायरीपुढे कीर्तन संपन्न झाले.

मंदिरात सुंदररीत्या माऊलींची रांगोळी काढण्यात आली आहे. माऊली मंदिरामध्ये आकर्षक अशी फुलसजावट करण्यात आली आहे. दुपारी बारा ते साडे बारा दरम्यान संत ज्ञानेश्वर महाराज 726 वा संजीवन समाधी सोहळा निमित्त घंटानाद त्यानंतर संजीवन समाधी वर पुष्पवृष्टी करण्यात येईल.

सकाळी 7:30 ते 9 :30 वीणा मंडप कीर्तन संपन्न झाले.भोजलिंग काका मंडप येथे 7 ते 9 कीर्तन संपन्न झाले. सकाळी 9 ते 10 यावेळी महाद्वारात काल्याचे कीर्तन झाल्यानंतर ह भ प हैबतबाबा दिंडीची समाधी मंदिरात प्रदक्षणा घातली.9 ते11 कीर्तन भोजलिंग काका मंडप व माऊली मंदिरात स.10 ते दु.12 यावेळेत ह भ प नामदास महाराज यांचे संजीवन समाधी सोहळ्याचे कीर्तन संपन्न झाले.