वेश्या व्यवसाय प्रकरणी दोन आरोपी गजाआड, तीन महिलांची सुटका

हिंजवडी: ऑनलाईन ग्राहकांचा शोध घेऊन त्यांना लॉजवर मुली पुरवणाऱ्या दोन दलालांना अनैतिक मानवी वाहतूक प्रतिबंध विभागाने अटक केली. यामध्ये तीन महिलांची सुटका करण्यात आली आहे.

रॉकी उर्फ ऋषिकेश शिरीष कदम (वय 30 , रा. मॉडेल कॉलनी, पुणे) आणि त्याच्या पत्नीला पोलिसांनी अटक केली आहे. या दाम्पत्यावर मागील काही दिवसांपूर्वी हिंजवडी पोलीस ठाण्यात अशाच प्रकारचा गुन्हा दाखल आहे. एकदा कारवाई होऊन देखील हे दाम्पत्य सुधारले नाही.

पोलिसांनी दिलेल्या माहितीनुसार, हिंजवडी परिसरात ऑनलाईन माध्यमातून वेश्या व्यवसाय चालवणारे दोघेजण सक्रिय असल्याची माहिती अनैतिक मानवी वाहतूक प्रतिबंध विभागाला मिळाली. त्यानुसार बनावट ग्राहकाच्या माध्यमातून सापळा लावून पोलिसांनी एका हॉटेलमध्ये रूम बुक केली. तिथे आरोपी महिला तीन महिलांना घेऊन आली असता तिला पोलिसांनी ताब्यात घेतले. महाराष्ट्रीयन तीन महिलांची वेश्या व्यवसायातून सुटका करण्यात आली आहे. आरोपींकडून 16 हजार 60 रुपयांचा मुद्देमाल जप्त करण्यात आला आहे.