व्यवसायात पार्टनर असलेल्या महिलेचा लैंगिक छळ, आरोपीविरुद्ध गुन्हा दाखल

कोंढवा: हॉटेल व्यवसायात पार्टनर म्हणून असलेल्या महिलेचा लैंगिक छळ करून तिच्यासोबत जबरदस्तीने शारीरिक संबंध ठेवल्याचा प्रकार उघडकीस आला आहे. 45 वर्षीय महिलेने या प्रकरणी तक्रार दिली असून आरोपी निखिल प्रकाश भगत (रा.सनश्री सोसायटी, एनआयबीएम, कोंढवा) याच्या विरोधात कोंढवा पोलीस ठाण्यात गुन्हा दाखल करण्यात आला आहे. ऑगस्ट 2020 ते जानेवारी 2021 या कालावधीत हा प्रकार घडला.

पोलिसांनी दिलेल्या माहितीनुसार, ऑगस्ट 2020 ते जानेवारी 2021 या कालावधीत आरोपीने फिर्यादीला हॉटेल व्यवसायात भागीदार म्हणून काम करण्यास भाग पाडले. आणि त्यानंतर वेळोवेळी फिर्यादी सोबत अश्लील वर्तन केले. नोव्हेंबर 2020 मध्ये आरोपींनी फिर्यादीला तिचे पैसे देण्याच्या निमित्ताने न्यानो कारमधून वानवडी येथील एके ठिकाणी घेऊन गेला. त्यानंतर रिवाल्वर सारख्या वस्तूचा धाक दाखवून त्यांच्यासोबत जबरदस्तीने शारीरिक संबंध ठेवले. त्यानंतर या सर्व प्रकाराचा व्हिडिओ रेकॉर्ड असून व्हायरल करण्याची धमकी दिली असल्याचे फिर्यादीने तक्रारीत म्हटले आहे. पोलिसांनी या प्रकरणी गुन्हा दाखल केला असून अधिक तपास सुरू आहे.