लग्नाच्या आमिषाने ‘लॉ’च्या विद्यार्थिनीवर बलात्कार

कसबा पेठे: फोनवरून ओळख झाल्यानंतर एका 32 वर्षीय तरुणीला लग्नाचे आमिष दाखवून तिच्यासोबत जबरदस्तीने शरीरसंबंध केल्याप्रकरणी गुन्हा दाखल करण्यात आला आहे. पुण्यातील कसबा पेठेत हा प्रकार घडला.

पीडित तरुणीने याप्रकरणी तक्रार दिली असून आरोपी शिवप्रसाद विठ्ठलराव दुधाटे (वय 35) त्याच्या विरोधात फरासखाना पोलीस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार, पीडित तरुणी ही लॉची विद्यार्थिनी आहे. ती मूळची परभणी जिल्ह्यातील आहे. काही दिवसांपूर्वी ती पुण्यातील बहिणीकडे राहण्यासाठी आली होती. त्यावेळी एका रॉंग नंबर वरून आरोपी आणि फिर्यादी यांची ओळख झाली होती. यातून आरोपी आणि फिर्यादी यांची ओळख झाली. या ओळखीचा गैरफायदा घेऊन आरोपीने फिर्यादीला मी तुझ्यासोबत लग्न करणार आहे असे म्हणून फिर्यादी नकार देत असतानाही जबरदस्तीने तिच्यासोबत शरीर संबंध आणि अनैसर्गिक शरीर संबंध ठेवले. 28 ऑक्टोबर रोजी कसबा पेठेत हा प्रकार घडला.

फिर्यादी तरुणीची परीक्षा असल्यामुळे ती मूळ गावी परीक्षा देण्यासाठी गेली होती. तिथून परत आल्यानंतर तिने फरासखाना पोलीस ठाण्यात याप्रकरणी तक्रार दिली. पोलिसांनी या प्रकरणी गुन्हा दाखल केला असून अधिक तपास सुरू आहे.