फोटो व्हायरल करण्याची धमकी देत महिलेवर लैंगिक अत्याचार, आरोपीविरुद्ध गुन्हा दाखल

सांगवी: पिडीतेचे न्यूड फोटो व्हायरल करण्याची धमकी देत महिलेवर लैंगिक अत्याचार केल्याचा प्रकार पिंपळे सौदागर येथे उघडकीस आला आहे.

रवींद्र रामचंद्र थोरात (वय 44, रा. पिंपळे गुरव) असे गुन्हा दाखल झालेल्या आरोपीचे नाव आहे. याप्रकरणी पीडित महिलेने सांगवी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, आरोपीने फिर्यादी यांना लग्नाचे आमिष दाखवले. त्यांना न्यूड फोटो व्हायरल करून बदनामी करण्याची व जीवे मारण्याची धमकी देऊन विविध ठिकाणी नेऊन लैंगिक अत्याचार केला. पीडित महिलेला मानसिक त्रास देऊन त्यांची फसवणूक केली असल्याचे फिर्यादीत म्हटले आहे. सांगवी पोलीस तपास करीत आहेत.