पत्नीला मारहाण करणाऱ्या पतीवर गुन्हा दाखल

चाकण: दारु पिऊन पत्नीला मारहाण करणाऱ्या पतीवर व भांडणे सोडविण्या ऐवजी त्यात भर पाडणाऱ्य़ा सासू साऱ्यावर ही चाकण पोलीस ठाण्यात गुन्हा दाखल कऱण्यात आला आहे. हा प्रकार खेड येथील पाईट या गावी घडला.

याप्रकरणी पीडित महिलेने फिर्याद दिली असून पती सचीन सिताराम सोनवणे (वय 38), सासू व सासरे सिताराम केशव सोनवणे सर्व राहणार पाईट, खेड यांच्यावर गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादीला आरोपी हे मागील आठ महिन्यापासून त्रास देत आहेत. सोमवारीही सचिन दारु पिऊन आला व त्याने किरकोळ कारणावरून फिर्यादी यांच्याशी वाद घालण्यास सुरुवात केली. पुढे त्याने घरातील काठीने फिर्यादीला मारहाण कऱण्यात सुरुवात केली. यावेळी सासू-सासऱ्यांनी भांडणे सोडविण्या ऐवजी सचिनला पुन्हा फिर्यादीला मारण्यास चिथावणी दिली. यावरून चाकण पोलीस ठाण्यात गुन्हा दाखल असून पोलीस पुढील तपास करत आहेत.