सोशल मिडियावर कोयत्याचे स्टेटस ठेवून दहशत पसरविणाऱ्या इसमांना केले गजाआड; गुन्हे शाखा युनिट ६ चा कारवाईचा तडाखा

सध्याच्या वाढत्या गुन्हेगारीच्या अनुषंगाने पुणे शहर पोलीस आयुक्त रितेश कुमार यांनी कडक कारवाईचा करण्याचे आदेशित केल्याने सदरबाबत गंभीर दखल घेऊन गुन्हे शाखा युनिट ६ कडील वरिष्ठ पोलीस निरीक्षक रजनीश निर्मल व त्याचे पोलीस अधिकारी व अंमलदार युनिट हद्दीत पेट्रोलिंग करीत असताना सोशल मिडिया वर कोयत्याचे स्टेटस ठेवून दहशत पसरविणारे तसेच कोयता जवळ बाळगणारे इसमांना सदर पथकाने ताब्यात घेऊन त्यांचेवर लोणीकंद पोलीस स्टेशन येथे भारताचा हत्यारबंदी कायदा अंर्तगत गुन्हे दाखल केले आहेत.

वाघोली गावचे हद्दीत चोखी धानी रोडवर पेट्रोलिंग करताना इसम नामे १) महादेव संभाजी गर्जे वय २१ वर्षे रा. खांदवे नगर, २) तसेच वाघोली ते आव्हाळवाडी रोडवर सागर अंकुश चव्हाण वय २० वर्षे रा. गणेशनगर, ३) वाघोली ते डोमखेल वस्ती रोडवर ऋतिक बालाजी पोपळघट वय २० वर्षे रा. डोमखेल वस्ती वाघोली, पुणे यांचे ताब्यात कोयते मिळून आल्याने त्यांना पुढील तपासकामी लोणीकंद पोलीस स्टेशन यांचे ताब्यात देण्यात आले आहे.
सदर कामगिरी माननीय वरिष्ठांचे आदेशाने वरिष्ठ पोलीस निरीक्षक रजनीश निर्मल यांचे मार्गंदर्शनाखाली गुन्हे शाखा युनिट ६ कडील पोलीस अधिकारी व अंमलदार यांनी केली आहे.