वानवाडी भागात १९ वर्षीय तरुणचा १३ वर्षीय अल्पवयीन मुलीवर लैंगिक अत्याचार

पुणे येथील वानवाडी भागात १९ वर्षीय तरुण व १३ वर्षीय अल्पवयीन मुलगी शेजारी शेजारी राहते. तरुणाने त्या मुलीला खेळण्याच्या बाहण्याने बोलवले. त्यानंतर लग्नाचे आमिष दाखवत लैंगिक अत्याचार केल्याची घटना समोर आली आहे. “माझे तुझ्यावर खूप प्रेम आहे आपण लग्न करू” असे सांगत त्या तरुणाने अनेक वेळा अत्याचार केला.

अशी उघड झाली घटना तरुण व अल्पवयीन मुलीसंदर्भात हा सगळा प्रकार किमान सहा महिने सुरु होता. काही दिवसांपूर्वी त्या मुलीने पोटात दुखत असल्याची तक्रार केली. त्यावेळी मुलीच्या आईने तिला दवाखान्यात नेले. डॉक्टरांनी तिच्या सर्व तपासण्या करुन घेतल्या. त्यात ती २८ आठवड्यांची गर्भवती असल्याचं रिपोर्टमधून समोर आलं. हे ऐकून मुलीच्या आईला धक्का बसला. तिने मुलीकडे विचारणा केली असता प्रकार उघड झाला. आता या घटनेसंबधी पीडित मुलीच्या आईने दिलेल्या तक्रारीनंतर त्या तरुणावर गुन्हा दाखल केला आहे. हा सगळा प्रकार जानेवारी ते जून २०२२ दरम्यान घडला असल्याचे समोर आले आहे.