मोठ्या आवाजात साऊंड सिस्टीम सुरु ठेवणाऱ्या कोरेगाव पार्क येथील हॉटेल आणि पबविरुद्ध कारवाई

पुणे शहरात रात्री उशिरापर्यंत मोठ-मोठ्या आवाजात साऊंड सिस्टीम लावून ध्वनी प्रदूषण करणाऱ्या हॉटेल आणि पबविरुद्ध पुणे पोलिसांच्या गुन्हे शाखेच्या सामाजिक सुरक्षा विभागाकडून कारवाईचा बडगा उगारला जात आहे. रात्री उशिरापर्य़ंत कायद्याचे उल्लंघन करुन मोठ्या आवाजात साऊंड सिस्टीम सुरु ठेवणाऱ्या कोरेगाव पार्क येथील ‘द डेली रेस्टॉरंट अँड बार’वर शनिवारी कारवाई केली आहे. या कारवाई पोलिसांनी 2 लाख 30 हजार रुपये किमतीचे साऊंड सिस्टीम, डीजे मिक्सर जप्त केले आहे.
आवाजाची मर्यादा ओलांडणे तसेच सर्वोच्च न्यायालयाच्या आदेशाचे उल्लंघन करणाऱ्या हॉटेलवर सामाजिक सुरक्षा विभागाकडून कारवाई केली जात आहे. कोरेगाव पार्क येथील लेन नं.7 येथील ‘द डेली रेस्टॉरंट अँड बार’ मध्ये रात्री उशीरापर्यंत साऊंड सिस्टीम सुरु असल्याचे पेट्रोलींग करत असताना पथकाच्या निदर्शनास आले.त्यानंतर पथकाने त्याठिकाणी जाऊन पाहणी केली असता रात्री दहानंतर नियमांचे उल्लंघन करुन साऊंड सिस्टीम सुरु असल्याचे आढळून आले.
त्यानुसार पोलिसांनी 2 लाख 30 हजार रुपये किमतीचे साऊंड सिस्टीम, डिजे मिक्सर जप्त केले