विनापरवाना बांधकाम एंजल हायस्कूलला नोटीस

लोणी काळभोर : अतिक्रमण करून बांधकाम
विनापरवाना केल्याप्रकरणी येथील ऐंजल कदमवाकवस्ती
हायस्कूलला ग्रामपंचायतीने नोटीस बजावली आहे. शाळा प्रशासनाने तरीही काम सुरूच ठेवले असून, यासंदर्भात शाळा प्रशासनाला विचारले असता टोलवाटोलवी केली. दरम्यान, काही दिवसांपूर्वी याच शाळेत फी न भरलेल्या विद्यार्थ्यांना ग्रंथालयात बसवून ठेवले होते. त्यावेळी पालकांनी शाळा व्यवस्थापनाने अरेरावीही केली होती.
कदमवाकवस्ती हद्दीमध्ये सर्व्हे नं./ गट क्रमांक २५५ मध्ये असणारी जागा ही पुणे महानगर प्रादेशिक विकास प्राधिकरण पुणे यांनी प्रसिद्धी केलेल्या विकास आराखड्यात प्राथमिक शाळा, माध्यमिक शाळा व कॉलेजसाठी आरक्षित केली आहे. त्या ठिकाणी ऐंजल हायस्कूल यांनी विनापरवाना अतिक्रमण करून बांधकाम सुरू केलेले आहे.

त्यासंदर्भात हे बांधकात थांबवून त्वरित पाडण्याची ग्रामपंचायतीने शाळेला दिली आहे. नोटीस मिळूनही शाळेने कोणताही खुलासा न करता बांधकाम सुरू ठेवले आहे. याविषयी शाळा प्रशासनाला विचारले असते शाळा प्रशासन टोलवाटोलवी केली.