पुण्यात बेकायदा वास्तव्य करणाऱ्या १९ बांगलादेशी नागरिकांना पकडले

पुणे: पुणे पोलिसांनी शहरात बेकायदा वास्तव्य करणाऱ्या १९ बांगलादेशी नागरिकांना पकडले. गुन्हे शाखेच्या सामाजिक सुरक्षा विभागाने ही कारवाई केली. शहरात बेकायदा वास्तव्य करणाऱ्या बांगलादेशी नागरिकांची माहिती सामाजिक सुरक्षा विभागाला मिळाली होती. पोलीस आयुक्त रितेश कुमार, सहपोलिस आयुक्त संदीप कर्णिक यांच्या मार्गदर्शनाखाली पथकाने कारवाई केली.

बांगलादेशी नागरिकांविरूद्ध कायदेशीर कारवाई करण्यात येणार आहे अशी माहिती पोलिसांनी दिली. संबंधित बांगलादेशी नागरिक केव्हापासून पुण्यात रहात आहेत. त्यांना राहण्यासाठी घर कोणी उपलब्ध करून दिले, याबाबतची चौकशी पोलिसांनी सुरू केली आहे.