पुणे पिंपरी चिंचवडमध्ये भाजप नेत्याची एका बिल्डरला जबर मारहाण

पुणे : पुणे शहरातून एका धक्कादायक घटना समोर आली आहे. दोन दिवसांपूर्वी घडलेल्या या घटनेचे सीसीटीव्ही फुटेज व्हायरल झाले आहेत. भारतीय जनता पक्षाच्या नेत्याने बिल्डरला मारहाण केल्याची ही घटना आहे. या घटनेनंतर पटेल समाज आक्रमक झाला आहे. पिंपरी-चिंचवड महापालिकेच्या आवारात ही घटना घडली आहे. यानंतर उद्योजक आणि बिल्डरांबरोबर पटेल समाजातून संताप व्यक्त होत आहे. यामुळे भाजपच्या अडचणी वाढणार असल्याचे लक्षात येताच आमदार महेश लांडगे पुढे आले आहे. त्यांनी पटेल समाजाची माफी मागितली आहे
दोन दिवसांपूर्वी घडलेल्या या प्रकाराचे सीसीटीव्ही फुटेज समोर आले आहेत. भाजपच्या माजी नगरसेविका सारिका बोऱ्हाडे यांचे पती आणि भाजप नेते नितीन बोऱ्हाडे यांच्यासंदर्भातील हे प्रकरण आहे. नितीन बोऱ्हाडे यांनी जमिनीच्या व्यवहारातील वादातून बिल्डर नरेश पटेल यांना जबर मारहाण केली. पिंपरी चिंचवड मनपाच्या आवारातच पटेल यांना लाथाबुक्क्यांनी सर्वांसमोर मारहाण झाली. मारहाणीचा हा प्रकार सीसीटीव्हीत कैद झाला. त्यानंतर पटेल समाज आक्रमक झाला आहे.

काय आहे वाद
नितीन बोऱ्हाडे यांचे चुलते अन नरेश पटेल यांची जमीन शेजारीशेजारी आहे. त्या जागेतून जाणाऱ्या डीपी मार्गावरून वाद आहे. त्यावर सुनावणी पिंपरी चिंचवड मनपात झाली. त्या सुनावणीनंतर बोऱ्हाडे यांनी पटेल यांना मारहाण केली