पुण्यात तलवारीने गाडीची तोडफोड तलवार घेऊन तरुणांकडून दहशत माजवण्याचे प्रकार पुण्यात सुरूच

पुणे : तलवार घेऊन तरुणांकडून दहशत माजवण्याचे प्रकार पुण्यात सुरूच असल्याचं पाहायला मिळत आहे.पुण्यात तलवारीने गाडीची तोडफोड करण्यात आली आहे. पुण्यातील गोखलेनगर परिसरात गुंडांनी दहशत माजवत गाड्यांची तोडफोड केली आहे. या संपूर्ण तोडफोडीता थरारक व्हिडीओ समोर आला आहे. या व्हिडीओत दोन तीन जण थेट गाड्यांची तोडफोड करताना दिसत आहे. त्यांच्या या दहशतीमुळे आणि तोडफोडीमुळे गाड्यांचं मोठ्या प्रमाणात नुकसान झालं आहे.
या प्रकरणी तडीपार असलेला योगेश गायकवाड, मयुर मोरे व त्यांचा एक साथीदार यांच्यावर चतु:र्श्रुंगी पोलिस ठाण्यात गुन्हा दाखल करण्यात आला आहे. मोरे आणि गायकवाडला अटक करण्यात आली असून तिसरा आरोपी शोधण्याचे काम सुरू आहे.
या घटनेचा व्हिडीओ सध्या सोशल मीडियावर चांगलाच व्हायरल झाला आहे. यात रात्रीच्यावेळी सामसूम ठिकणी उभ्या असलेल्या गाड्या थेट फोडताना दिसत आहे. त्यासोबतच व्हिडीओतील हालचाली बघितल्या तर चार ते पाच जण रस्त्यावर दारुच्या नशेत धिंगाणा घालत असल्याचा अंदाज आहे. हे सगळे एकमेकांशी धरपकड करत पसार झाल्याचंदेखील या व्हिडीओत दिसून येत आहे.हा व्हिडीओ घटनास्थळी राहणाऱ्या एका नागरिकाने आपल्या घरातील खिडकीतून काढला आहे