कारचा धक्का लागल्याच्या वादातून तरूणाची हत्या

पुण्यात गुन्हेगारी काही संपायचं नाव घेत नाही आहे. त्यात क्षृल्लक कारणावरुन होणाऱ्या वादातून हत्याकेल्याच्या घटनांचादेखील समावेश आहे. अशीच एक घटना पुन्हा एकदा समोर आली आहे. कारचा धक्का लागल्याच्या कारणाने झालेल्या वादातून तरुणाचा खून झाल्याची धक्कादायक घटना पुण्यात घडली आहे.हडपसर पोलीस स्टेशनच्या हद्दीत घडली आहे. प्रकरणी पोलिसात गुन्हा दाखल झाला आहे. अभिषेक संजय भोसले (वय 30, रा. शेवाळवाडी, मांजरी) असे खून झालेल्या व्यक्तीचे नाव आहे.

कारचा धक्का लागला होता त्यामुळे दोघांमध्ये वाद झाला. त्यानंतर दोघांमध्ये चांगलीच वादावादी झाली. तरुणाला लाथा बुक्क्यांनी मारहाण करत त्याच्यावर धारदार शस्त्राने वार करण्यात आले. फुरसुंगी ते चंदवाडी रोड रस्त्यावर मंगळवारी रात्री हा हत्येचा थरार पाहायला मिळाला. याप्रकरणी विलास सुरेश सकट, कैलास सुरेश सकट, सचिन सकट (सर्व रा. चंदवाडी, फुरसुंगी) यांच्यासह आणखी 7 – 8 अनोळखी व्यक्तीविरुद्ध गुन्हा दाखल करण्यात आला आहे.