शिवीगाळ का केला? विचारल्याने चाकू हल्ला

शिवीगाळ का केली? याचा जाब विचारल्यामुळे एकाने थेट बापलेकांवर चाकूने हल्ला केला आहे. टेल्को कॉलनीत हा प्रकार समोर आला आहे. या प्रकरणी संग्राम धुळूबा शिंदे याच्यावर खुनाचा गुन्हा दाखल करण्यात आला आहे. भारती विद्यापीठ पोलिसांनी संग्रामला अटक केली आहे. गौरव कुलथे आणि त्याचे वडिल नवनाथ कुलथे या घटनेत चांगलेच जखमी झाले आहेत. अधिक माहितीनुसार तिघेही एकाच परिसरात राहायला आहे आणि एकमेकांना ओळखतात. आरोपी असलेल्या संग्रामने दोन महिन्यांपूर्वी परिसरात दारु पिऊन गोंधळ घातला होता. त्यावेळी नवनाथ कुलथे यांनी आरोपीला समजावून घरी पाठवलं होतं. याचा राग मनात ठेवून तुला आता संपवूनच टाकतो म्हणत वडिल आणि मुलावर हल्ला केला. त्याच्या पोटात सपासप चाकूचे वार केले आणि त्यांना गंभीर जखमी केलं. मुलगा वडिलांना वाचवण्यासाठी गेला असता त्याच्याही पोटात चाकू खुपसला. या घटनेमुळे परिसरात भीतीचं वातावरण निर्माण झालं होतं