पुण्याच्या जंगली महाराज रोडवर राहणाऱ्या महिलेवर बलात्कार

पुणे : पुण्यातून पुन्हा एकदा धक्कादायक प्रकार समोर आला आहे. पुण्याच्या जंगली महाराज रोडवर राहणाऱ्या महिलेवर बलात्कार केल्याची घटना घडली आहे. डेक्कन पीएमटी बस स्टॉप समोर गुरुवारी रात्री दोनच्या सुमारास घडली आहे. या प्रकरणी पोलिसांनी कारवाई केली आहे आणि आरोपीवर गुन्हा दाखल करुन अटक केली आहे. मात्र घडलेल्या या प्रकारामुळे महिलाच्या सुरक्षेचा प्रश्न पुन्हा एकदा ऐरणीवर आला आहे
पुण्यातील डेक्कन हा गजबजलेला परिसर आहे. या परिसरात अनेक रस्त्यावर फुगे वगरे विकणारे लोक फुटपाथवर राहतात. डेक्कन बस स्टॉपच्या मागील फुटपाथवर राहणाऱ्या 30 वर्षीय महिलेसोबत हा प्रकार घडला आहे. हा प्रकार लक्षात येताच महिलेने थेट पोलिसांत धाव घेऊन तक्रार दाखल केली. पोलिसांनी तक्रारीवरुन गोविंद रामा घारोळे या 32 वर्षीय आरोपीला अटक केली आहे. ही महिला रात्री पीएमटी बस स्टॉप मागील फुटपाथवर झोपल्या होत्या. त्याचवेळी हा नराधम दारुच्या नशेत आला आणि महिलेसोबत जबरदस्तीने बलात्कार केला