कोथरूडमधील भुसारी कॉलनीमध्ये ‘डीआरडीओ’च्या शेजारी असलेल्या इमारतीच्या खिडक्यांमध्ये बंदुकीमधून झाडलेल्या गोळ्या अडकल्याचे प्रकरण समोर

पुणे : कोथरूडमधील भुसारी कॉलनीमध्ये ‘डीआरडीओ’च्या शेजारी असलेल्या इमारतीच्या खिडक्यांमध्ये बंदुकीमधून झाडलेल्या गोळ्या अडकल्याचे प्रकरण समोर आले आहे. घटनेची माहिती मिळताच पोलिसांनी घटनास्थळी धाव घेतली. पोलिसांच्या फॉरेन्सिक तपासणी पथकाने देखील याठिकाणी तपासणी केली असून नेमकी काय घटना घडली असावी याबाबत पोलीस तपास करीत आहेत.
परीमंडळ तीनचे पोलीस उपायुक्त संभाजी कदम यांनी दिलेल्या माहितीनुसार, भुसारी कॉलनीमध्ये गोळीबार झाल्याची माहिती पोलिसांना मिळाली होती. कोथरूड पोलिसांच्या पथकाने तात्काळ घटनास्थळी धाव घेतली. या ठिकाणी तपासणी केली असता एका सदानिकेच्या खिडकीच्या काचेमध्ये गोळी अडकल्याचे निदर्शनास आले. ही गोळी ‘डीआरडीओ’च्या फायरिंग रेंजमधून आलेली असावा असा अंदाज आहे. पुढील तपास सुरू असल्याचे कदम म्हणाले.