थेऊर यशवंत सहकारी साखर कारखाना निवडणूकीत उत्पादक सहकारी संस्था बिगर उत्पादक संस्था व पणन संस्था या गटातून संजय गायकवाड यांची निवडणुकीतून माघार ; सागर अशोक काळभोर यांना पाठिंबा

थेऊर: थेऊर यशवंत सहकारी साखर कारखाना निवडणूकीत उत्पादक सहकारी संस्था बिगर उत्पादक संस्थाव पणन संस्था या गटातून संजय गायकवाड यांनी माघार घेऊन सागर अशोक काळभोर यांना पाठिंबा दिला. संजय गायकवाड यांनी घेतलेल्या पत्रकार परिषदेत यशवंत सहकारी साखर कारखान्याचे निवडणुकीतून माघार घेतली असून अण्णासाहेब मगर शेतकरी विकास आघाडी पॅनल मध्ये आपला सहभाग नोंदवला होता, तसेच ब वर्ग गटातून सागर अशोक काळभोर यांना संपूर्ण पाठिंबा दिला असल्याचे पत्र संजय गायकवाड यांनी पत्रकार परिषदेत सादर केले त्यामुळे अण्णासाहेब मगर रयत सहकार पॅनलचे बळ वाढले असून त्यांचा एक उमेदवार आता विजय घोषित झाल्यासारखे चित्र दिसत आहे. गायकवाड यांनी पाठिंबा दिल्यामुळे विरोधकांना धक्का बसला असून ही अचानक कसे घडले याची चिंता विरोधकांना लागली आहे त्यामुळे हवेली तालुक्यातील परिसरात यशवंत निवडणुकीची खळबळ उडाली आहे.

यावेळी हवेलीतील ज्येष्ठ नेते माधव काळभोर , प्रकाश मस्के ,बाजार समितीचे सभापती दिलीप काळभोर , महाराष्ट्र केसरी पै. राहुल काळभोर , ब गटातील उमेदवार सागर काळभोर , कमलेश काळभोर आदी उपस्थित होते.

(महाराष्ट्र क्राईम वॉच पत्रकार दिगंबर जोगदंड लोणी काळभोर)