डी डी एम इंजिनियरिंग कंपनीची मोठी फसवणूक, आरोपीविरुद्ध गुन्हा दाखल

चाकणः मशिन खरेदी करून देतो, असे सांगून एका व्‍यक्‍तीची दोन लाख ५४ हजार ५०० रुपयांची फसवणूक केली. ही घटना ११ डिसेंबर ते २५ डिसेंबर २०२४ या कालावधीत महाळुंगे येथे घडली. सुभाष भाऊसाहेब वाकळे (वय ४१, रा.आंबेठाण रोड, चाकण, ता. खेड जि. पुणे) यांनी महाळुंगे पोलीस ठाण्‍यात फिर्याद दिली आहे.

पोलिसांनी मेहफुज खान (मोबाइल क्रमांक ८८५७०३५४४०, पूर्ण नाव, पत्ता माहिती नाही) यांच्‍या विरोधात गुन्‍हा दाखल केला आहे.

फिर्यादी हे काम करीत असलेल्‍या महाळुंगे येथील डी डी एम इंजिनियरिंग कंपनीला लागणार्‍या मशिन आरोपी मेहफुज याच्‍याकडून खरेदी करण्यासाठी ऑनलाईन व रोख स्वरूपात दोन लाख ५४ हजार ५०० रुपये घेतले. या पैशांचा वापर स्वतःच्‍या फायद्याकरीता करीत फिर्यादी यांची फसवणूक केली.