शासकीय ठेकेदार विठ्ठल पोळेकर यांच्या निर्घुण हत्या करणारा मुख्य सुत्रधार गजाआड; स्थानिक गुन्हे शाखा व हवेली पोलीस पथकांची उल्लेखनीय कामगिरी

पुणे : डोणजे येथील शासकीय ठेकेदार विठ्ठल पोळेकर यांचे त्यांच्या घराजवळून अपहरण करुन त्यांची निर्घुण हत्या करुन मृतदेहाचे तुकडे करुन पाणशेत धरणाच्या पाण्यात फेकून देण्यात आले होते. या हत्याप्रकरणातील मुख्य सुत्रधार आणि सराईत गुन्हेगार योगेश भामे याला पकडण्यात ग्रामीण पोलिसांना यश आले आहे. तब्बल पावणे दोन महिन्यांहून अधिक काळ तो पोलिसांना गुंगारा देऊन वेगवेगळ्या ठिकाणी लपून फिरत होता.

विठ्ठल पोळेकर (वय ७०, रा. डोणजे) हे १४ नोव्हेंबर रोजी पहाटे साडेपाच वाजता फिरायला बाहेर पडले असताना घराजवळून त्यांचे अपहरण करण्यात आले. त्यांचा खुन करुन मृतदेह खडकवासला धरणाच्या पाण्यात

टाकून दिला होता. पायगुडेवाडी ते गोळेवाडी रस्त्याच्या कामाचा शासकीय ठेका पोळेकर यांनी घेतला होता. त्या कामात अडथळा करु नये, म्हणून योगेश ऊर्फ बाबु किसन भामे (वय ३२, रा. डोणजे) याने खंडणी म्हणून एक

जेग्वार चार चाकी कार मागितली होती. ती न दिल्याने त्यांचा खुन करण्यात आला होता.

विठ्ठल पोळेकर यांचे अपहरण झाले तरी कार सध्या योगेश भामे याच्याकडे असल्याची माहिती मिळाली. त्यावरुन हे अपहरण योगेश भामे यानेच केल्याचे निष्पन्न झाले. पोलिसांनी जबलपूरहून शुभम पोपट सोनवणे (वय

२४, रा. चिंचोली गुरव, ता. संगमनेर, जि. अहिल्यानगर), मिलिंद देवीदास थोरात (वय २४, रा. बेलगाव ता. कर्जत, जि. अहिल्यानगर) यांना ताब्यात घेतले होते. मुख्य आरोपी योगेश भामे हा फरार होता. त्याच्या शोधासाठी

स्थानिक गुन्हे शाखेची दोन पथके तैनात करण्यात आली. ही पथके सातत्याने आरोपीचा शोध घेत असताना योगेश भामे हा कोल्हापूर येथे असल्याची माहिती मिळाली. त्यानुसार पोलीस पथक कोल्हापूरला रवाना

झाले. त्याच सुमारास भामे हा कोल्हापूरहून पुण्याकडे येत असल्याची माहिती मिळाली. सातारा ते पुणे रोडवरील सारोळा पुलाजवळील परिसरात स्थानिक गुन्हे शाखा व हवेली पोलीस पथकांनी सापळा लावून योगेश भामे

याला पकडले. योगेश भामे याच्याविरुद्ध एकूण ९ गुन्हे दाखल आहेत हे गुन्हे आर्थिक लाभासाठी केलेले असून त्यामध्ये खुन, खुनाचा प्रयत्न, अपहरण, फसवणूक, अतिक्रमण, बेकायदेशीर अग्निशस्त्र बाळगणे असे गुन्हे दाखल आहेत.