लांछनास्पद! गोठ्यात गाईच्या वासरावर परप्रांतीय कामगाराने केला अत्याचार

रायगड: गाईच्या लहान वासरावर परप्रांतीय कामगाराने अत्याचार केल्याची संतापजनक घटना पिंपळदरी-मोरांडेवाडी (ता. महाड) येथे घडली आहे. पोलिसांनी गुन्हा दाखल केला असून, पुढील तपास करत आहेत.

पिंपळदरी-मोरांडेवाडी येथील रहिवासी गंगाराम जाधव यांच्या गोठ्यातील गाईच्या 10 महिन्यांच्या वासरावर लैंगिक अत्याचार झाल्याची घटना घडली आहे. बळीराम अनिराम यादव (वय 50) असे अत्याचार करणाऱ्या कामगाराचे नाव आहे. आरोपी बळीराम यादव हा मूळचा ओरिसाचा असून सध्या मोरांडेवाडीमध्ये राहत आहे. महाड एमआयडीसी पोलिसांनी त्याला ताब्यात घेतले आहे. घटनास्थळी वैद्यकीय अधिकाऱ्यांनी भेट देऊन गायीच्या वासराची वैद्यकीय तपासणी केली आहे.

दरम्यान, गायीच्या लहान वासरावर परप्रांतीयाने लैंगिक अत्याचार करताना मालकाने पाहिल्यानंतर गुन्हा दाखल केला आहे. या घटनेचा पुढील तपास महाड एमआयडीसी पोलीस करत आहेत.