गॅस सिलिंडरचा काळाबाजार; आरोपीविरुद्ध गुन्हा दाखल

पिंपरी : धोकादायक पद्धतीने व बेकायदारित्या एका सिलिंडरमधून दुसऱ्या सिलिंडरमध्ये गॅस काढून गॅस सिलिंडरचा काळाबाजार करणाऱ्या एकावर गुन्हा दाखल झाला आहे.

अनिल हनुमंतराव फुले (वय ५५ रा. जाधववाडी, चिखली) असे गुन्हा दाखल झालेल्या आरोपीचे नाव आहे. सदरची कारवाई चिखलीतील जाधववाडी येथे करण्यात आली.

आरोपीने धोकादायक पद्धतीने व बेकायदारित्या एका सिलिंडरमधून दुसऱ्या सिलिंडरमध्ये गॅस काढला. त्या गॅसच्या भरलेल्या टाक्या चढ्या दराने विक्रीसाठी उपलब्ध केल्या. दरम्यान, पोलिसांनी कारवाई करून गॅस टाक्या तसेच गॅस ट्रान्स्फर करण्यासाठी लागणारे साहित्य असा एकूण ५९ हजार रुपये किमतीचा मुद्देमाल जप्त केला.