अल्पवयीन मुलीवर मित्रांकडून लैंगिक अत्याचार, कांदिवलीतील घटना 

मुंबईच्या कांदिवली परीसरातून एक धक्कादायक घटना घडलीये. अल्पवयीन मुलीला भेटायला बोलावून तिच्याच तीन मित्रांनी तिच्यावर आळीपाळीने अत्याचार करण्यात आल्याचं समोर आलंय. हे कृत्य करून त्याचे चित्रीकरण ही केल्याचा संतापजनक प्रकार घडलाय. या प्रकरणी आता 3 जणांविरोधात गुन्हा दाखल करण्यात आला असून तिघांनाही पोलिसांनी ताब्यात घेतले आहे. आरोपींविरोधात सामुहिक बलात्कार, बालकांचे लैंगिक अत्याचारापासून संरक्षण(पोक्सो) आणि माहिती तंत्रज्ञान प्रतिबंधक कायद्या अंतर्गत गुन्हा दाखल करण्यात आला आहे.