धक्कादायक! मद्यपान करण्यासाठी पैसे न दिल्याने पिंपरीत युवकाचा खून; पोलिसांनी तिघांना ठोकल्या बेड्या

पिंपरी-चिंचवड: पिंपरीमध्ये एक धक्कादायक घटना घडली आहे. मद्यपान करण्यासाठी पैसे न दिल्याने भैय्या गमन राठोड (वय ३३, रा. पाटीलनगर, चिखली. मूळ रा. जळगाव) या तरूणाचा खून करण्यात आला होता.

याप्रकरणी सुरज हनुमंत इंगळे (वय २९), मेहुल कैलास गायकवाड (वय २८), अजय अशोक कांबळे (वय २४, रा. पाटीलनगर, चिखली) यांना गुन्हे शाखेच्या पथकाने अटक केली आहे.

पोलिसांनी दिलेल्या माहितीनुसार, पाटीलनगर चिखली येथे वन विभागाच्या जागेत भैय्या गमन राठोड (वय ३३, रा. पाटीलनगर, चिखली. मूळ रा. जळगाव) याचा रविवारी खून झाला होता. त्यानंतर प्रकरणाचा छडा लावण्यासाठी पोलिसांनी परिसरातील अनेक ‘सीसीटीव्ही’ कॅमेरे तपासले. त्यानंतर आरोपींना चिखली मधून ताब्यात घेतले आहे. तपासात मद्यपान करण्यासाठी पैसे न दिल्यामुळे खून केल्याची कबुली आरोपींनी दिली आहे.

भैय्या गमन राठोड (वय ३३, रा. पाटीलनगर, चिखली. मूळ रा. जळगाव) हा मागच्या तीन महिन्यांपूर्वी पिंपरी-चिंचवड शहरात कामासाठी आला होता. त्यानंतर ही दुर्दैवी घटना घडली आहे. या प्रकरनी पोलिसांनी आरोपींना अटक केली आहे.