हॉटेलमधील हुक्कापार्लरवर बावधन पोलिसांची धडक कारवाई, आरोपीविरुद्ध गुन्हा दाखल

म्हाळुंगे: हॉटेलमधील हुक्कापार्लरवर बावधन पोलिसांनी कारवाई केली. महाळुंगे येथील कांजी रेस्टोबार अँड ओमेज रेस्टॉरंट येथे ही कारवाई करण्यात आली आहे.

ओंकार महेश खानेकर (२९, रा. सुतारदरा लेन नं. २७, शिवशक्तीनगर, कोथरुड, पुणे) व निनाथ दिलीप पाडाळे (रा. बाणेर, पुणे) यांच्यावर पोलिसांनी गुन्हा दाखल केला आहे.

पोलिसांनी दिलेल्या माहितीनुसार, निनाथ पाडाळे हा कांजी रेस्टोबार अँड ओमेज रेस्टॉरंट या हॉटेलचा मालक आहे. तर खानेकर हा हुक्का बनवतो. हॉटेलमध्ये हुक्का पार्लर सुरू असल्याची माहिती पोलिसांना मिळाली. त्यानुसार बावधन पोलिसांनी कारवाई केली. यात निनाथ आणि ओंकार हे हॉटेलमध्ये बेकायदारित्या चार हजार ५०० रुपयांचे हुक्कापॉट व हुक्का तंबाखूजन्य फ्लेवर विक्रीसाठी बाळगताना मिळून आले. तसेच हुक्का पिण्याचा वेगळा झोन न करता ग्राहकांची गर्दी करून त्यांना हुक्का पिण्यास व जेवणास एकत्र बसवले. कांजी रेस्टोबार अँड ओमेज रेस्टॉरंट येथे ही कारवाई करुन बावधन पोलिस पुढील तपास करत आहेत.