सेल्समनकडून दुकानदाराच्या नावाने पाठविलेला माल स्वतःकडे ठेवून नऊ लाख ९० हजार २३० रुपयांची फसवणूक

पिंपरी : कंपनीचे ग्राहक असलेल्या दुकानदाराकडून ओटीपी क्रमांक घेऊन दुकानदाराच्या नावाने पाठविलेला माल स्वतःकडे ठेवून नऊ लाख ९० हजार २३० रुपयांची फसवणूक केल्याची घटना हिंजवडीत घडली. याप्रकरणी ३९ वर्षीय व्यक्तीने दिलेल्या फिर्यादीनुसार चार जणांविरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपी हे कंपनीत सेल्समन म्हणून काम करत आहेत. त्यांनी आपसांत संगनमत करून कंपनीचे ग्राहक दुकानदारांच्या मोबाइलवर आलेले डिलिव्हरी ओटीपी स्वतःकडे घेतले. दुकानदाराच्या नावाने पाठविलेला माल स्वतःकडे ठेवला. नंतर तो माल बाजारात विकून कंपनीच्या एकूण नऊ लाख ९० हजार २३० रुपयांचा अपहार केला. हिंजवडी पोलीस याबाबत अधिक तपास करत आहेत.