हडपसर परिसरातून दुचाकी चोरी करणारा चोरटा अटकेत; आठ दुचाकी जप्त

प्रतिनिधी : सचिन गाडे

पुणे : हडपसर परिसरात दुचाकी चोरी करून दहशत निर्माण करणाऱ्या चोरट्याला पोलिसांनी अटक केली आहे. त्याच्याकडून चोरीच्या आठ दुचाकी जप्त करण्यात आल्या असून या कारवाईमुळे परिसरातील अनेक चोरीच्या घटनांचा उलगडा झाला आहे.
मिळालेल्या माहितीनुसार, हडपसर व परिसरात सतत दुचाकी चोरीच्या घटना घडत असल्याने पोलिसांनी तपास सुरू केला होता. गुप्त माहितीच्या आधारे संशयिताचा शोध घेत त्याला ताब्यात घेण्यात आले. चौकशीदरम्यान त्याने हडपसर, मुंढवा तसेच इतर भागांतून दुचाकी चोरी केल्याची कबुली दिली.
या कारवाईत पोलिसांनी आरोपीकडून आठ दुचाकी जप्त केल्या आहेत. पुढील तपासात आणखी चोरीचे गुन्हे उघड होण्याची शक्यता पोलिसांनी व्यक्त केली आहे.
अशा प्रकारच्या दुचाकी चोरीच्या घटना शहरात वारंवार घडत असून पोलिसांनी नागरिकांना वाहन सुरक्षित ठिकाणी पार्क करण्याचे आणि आवश्यक खबरदारी घेण्याचे आवाहन केले आहे.