गुलटेकडी मार्केट यार्डात तुंबलेल्या ड्रेनेजमुळे घाण पाण्याचा पूर; दुर्गंधीने त्रस्त बाजार

प्रतिनिधी : सचिन गाडे

पूणे : पुण्यातील मार्केट यार्ड परिसरात ड्रेनेज लाईन वारंवार तुंबत असल्याने नागरिक, व्यापारी आणि शेतकरी यांना मोठ्या समस्येला सामोरे जावे लागत आहे. तुंबलेल्या ड्रेनेजमुळे घाण पाणी थेट बाजार आवारात साचत असून परिसरात तीव्र दुर्गंधी पसरली आहे.

मार्केट यार्डमध्ये राज्यभरातून मोठ्या प्रमाणात फळे आणि भाजीपाला येतो. मात्र साचलेल्या घाण पाण्यामुळे शेतकऱ्यांचा माल खराब होत असून त्यांना आर्थिक फटका बसत आहे. तसेच ग्राहक आणि व्यापाऱ्यांनाही अस्वच्छतेमुळे मोठा त्रास सहन करावा लागत आहे.

या समस्येबाबत अनेक वेळा प्रशासनाकडे तक्रारी करूनही अद्याप ठोस उपाययोजना करण्यात आलेली नाही. त्यामुळे संताप व्यक्त होत आहे. ड्रेनेज लाईनची नियमित साफसफाई करावी तसेच नवीन मोठ्या क्षमतेची लाईन टाकावी, अशी मागणी जोर धरत आहे.

दरम्यान, तज्ज्ञांच्या मते शहरातील ड्रेनेज व्यवस्था अनेक ठिकाणी अपुरी असल्यामुळे पाणी साचण्याच्या समस्या वारंवार निर्माण होतात.