अप्पर तहसील लोणी काळभोर येथे नागरिकांच्या आंदोलन.

पुणे: कदमवाकवस्ती गावामध्ये पावसाळ्यात झालेल्या अतिवृष्टीमुळे अनेक नागरिकांचे मोठ्या प्रमाणावर नुकसान झाले होते. यासंदर्भात संबंधित प्रशासनाकडून नुकसानग्रस्तांचा पंचनामा देखील करण्यात आला आहे.परंतु, अद्यापपर्यंत कोणत्याही नागरिकाला नुकसान भरपाई मिळालेली नाही. त्यामुळे गावकऱ्यांमध्ये तीव्र नाराजी निर्माण झाली आहे.

या अन्यायाविरोधात आज अप्पर तहसील कार्यालय लोणी काळभोर समोर आज नागरिकांनी आंदोलन छेडले आहे, व गोर गरिबांना आपल्या हक्काची नुकसान भरपाई मिळवण्यासाठी आज

अप्पर तहसील कार्यालय, लोणी काळभोर येथे आमरण उपोषण चालू केले आहे.

नुकसानग्रस्त गोरगरीब लोकांना प्रशासनाने पंचनामे करून लवकरात लवकर मदत करावी अशी कदमवाक वस्ती ग्रामपंचायत ने वारंवार तहसील कार्यालया मध्ये पत्र व्यवहार करून कळवले आहे. तरीसुद्धा त्या नागरिकांना प्रशासनाकडून कसल्याही प्रकारची मदत जाहीर केली नाही.

कदमवाक वस्ती ग्रामपंचायतीच्या कार्यक्षेत्रात अतिवृष्टी होऊन नागरिकांच्या घरात पाणी शिरून मोठ्या प्रमाणावर नुकसान झाले होते.

तरी,सर्व नुकसानग्रस्त नागरिक आणि ग्रामस्थांनी मोठ्या संख्येने उपस्थित राहून हक्कासाठी एकजूट दाखवाली आहे.प्रशासन आता काय भूमिका घेणार हे पाहणे गरजेचे आहे.