जमिन खरेदी केली म्हणून दोन महिला व ज्येष्ठ नागरिकाला मारहाण, आरोपीविरुद्ध गुन्हा दाखल

भोसरी: जमीन का खरेदी केली म्हणून पाच जणांनी शिवीगाळ करत लाकडी दांडक्याने दोन महिला व ज्येष्ठ नागरिकाला मारहाण कऱण्यात आली आहे. याप्रकरणी एमआयडीसी भोसरी पोलीस ठाण्यात गुन्हा दाखल करण्यात आला आहे.

याप्रकरणी गोरखनाथ बाळासाहेब सस्ते (वय 39 रा. मोशी) यांनी एमआयडीसी भोसरी पोलीस ठाण्यात फिर्याद दिली असून विष्णू बाबूराव सस्ते (वय 55),शिवाजी बाबूराव सस्ते (वय 57),दिगंबर शिवाजी सस्ते (वय34),अक्षय ऊर्फ आकाश सस्ते (वय 26) व रविंद्र मारूती सस्ते (वय 45) सर्व राहणार मोशी यांच्यावर गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी यांनी एका महिलेकडून मोशी येथील गट क्रमांक 244 मध्ये 15 गुंठे जमीन घेतली. याचाच राग मनात धरून तुम्ही ती जमीन का खरेदी केली म्हणून आरपींनी फिर्यादी यांचे वडील बाळासाहेब दशरथ सस्ते, फिर्यादी यांची पत्नी व बहिण यांना शिवीगाळ करून हाताने मारहाण केली. यावेळी फिर्यादीच्या वहिलांना लाकडीकाठीने मारून तू जागा कशी खरेदी करतो म्हणून हातावर व छातीवर मारहाण करत जखमी केले.यावरून एमआयडीसी भोसरी पोलीस ठाण्यात गुन्ह दाखल केला असून पोलीस पुढील तपास करत आहेत.