चक्क खोटी कागदपत्रे बनवून बंगला विकण्याचा प्रयत्न

वाकड: बंगला विकण्यासाठी बनावट कागदपत्रे तयार करून बंगला विकण्याचा प्रयत्न करत फसवणूक केली. हा प्रकार पार्क स्ट्रीट वाकड येथे घडला.

निलेश शांताराम पाटील (वय 43, रा. नाशिक) यांनी याप्रकरणी वाकड पोलीस ठाण्यात फिर्याद दिली आहे. त्यानुसार अमित राजेंद्र गुप्ता (रा. यूएसए) आणि एक महिला यांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, पार्क स्ट्रीट वाकड येथील डायमंड पार्क हाऊसिंग सोसायटीमध्ये असलेल्या बंगला क्रमांक 21 या मिळकतीबाबत आरोपी आणि धीरज चंचलाणी यांचा वाद सुरु आहे. तरीही आरोपींनी फिर्यादीस कोणतेही वाद सुरु नसल्याचे सांगत, कोणताही मेंटेनन्स बाकी नसून सर्व कागदपत्र क्लिअर आहेत असे भासवले. सोसायटीची एनओसी मिळण्यासाठी आरोपींनी इंडेमिनीती बॉण्ड तयार करून फिर्यादींची फसवणूक केली असल्याचे फिर्यादीत म्हटले आहे.

वाकड पोलीस तपास करीत आहेत.