महिलेचे व्हिडिओ व्हायरल करण्याची धमकी देणाऱ्यावर गुन्हा दाखल

म्हाळुंगे: महिलेला तिचे व्हिडिओ व्हायरल करण्याची धमकी देणाऱ्यावर गुन्हा दाखल करण्यात आला आहे. हा प्रकार चाकण आणि खराबवाडी परिसरात घडला.

गौरव यादव (वय 21, रा. चाकण) असे गुन्हा दाखल झालेल्या आरोपीचे नाव आहे. याप्रकरणी पीडित महिलेने महाळुंगे चौकीत फिर्याद दिली आहे. पोलिसांनी दिलेल्या माहितीनुसार, आरोपीने फिर्यादी महिलेसोबत मैत्री केली. त्यांनतर महिलेला व्हिडीओ कॉल करून तिला तिचे नग्नावस्थेत व्हिडीओ काढले. ते व्हिडीओ डिलीट करण्याच्या बहाण्याने त्याने महिलेला चाकण येथील एका लॉजवर बोलावले. तिथे तिच्यावर जबरदस्ती करण्याचा प्रयत्न करत विनयभंग केला. म्हाळुंगे पोलीस तपास करीत आहेत.