सराईताकडुन सहा किलो गांजा जप्त, आरोपी जेरबंद

लोणी काळभोर: लोणी काळभोर परिसरातून एकाला सहा किलो गांजासह अटक करण्यात आली आहे. ही कारवाई पुणे पोलिसांच्या अंमलीपदार्थ विरोधी पथकाने आळंदी म्हातोबाची येथे केली आहे

चंद्रकांत सुरेश पवार (वय 21 रा. आळंदी) असे अटक आरोपीचे नाव आहे.

पोलिसांनी दिलेल्या माहितीनुसार, लोणी काळभोर परिसरात गस्त घालत असताना तपासी पथकाला खबर मिळाली की, पानमळ्याकडून फुकट वाडीकडे जाणाऱ्या सार्वजनिक रोडवर रेल्वे ब्रीज जवळ एक इसम त्याच्या दुचाकीवर पोते बांधून संशयित रित्या गाडीवर बसलेला आहे. पोलिसांचे पथक तेथे गेले व त्यांनी दुचाकीस्वाराला ताब्यात घेऊन चौकशी केली असता त्या पोत्यात 1 लाख 22 हजाररुपयांचा 6 किलो 107 ग्रॅम वजनाचा गांजा असल्याचे समोर आले.

पोलिसांनी आरोपीला अटक करत त्याच्याकडून गांजा, दुचाकी व मोबाईल असा एकूण 1 लाख 79 हजार 140 रुपयांचा ऐवज जप्त केला.लोणी काळभोर पोलीस ठाण्यात गुन्हा दाखल केला असून पोलीस पुढिल तपास करत आहेत.