गैरकृत्य केल्याच्या संशयातून चाकूने पोटात सपासप वार

खेड: अनैतिक संबंधांच्या संशयातून दोन तरुणांचा खून झाल्याची घटना चाकण औद्योगिक वसाहतीत सावरदरी (ता. खेड) येथे घडली आहे.

सुरज चव्हाण आणि अनिकेत पवार (दोघेही सध्या रा.सावरदरी , ता. खेड ) अशी हत्या झालेल्या तरुणांची नावे आहे. महाळुंगे पोलिसांत गुन्हा दाखल करण्यात आला आहे.

पोलिसांनी दिलेल्या माहितीनुसार, मेस मध्ये जेवण्यासाठी येणाऱ्या तरुणांनी काही गैरकृत्य केल्याच्या संशयातून चाकूने पोटात सपासप वार करून हे खून करण्यात आले असल्याची प्राथमिक माहिती समोर येत आहे. महाळुंगे पोलिसांनी सावरदरी येथून काही जणांना ताब्यात घेतले आहे.

खून झालेल्या तरुणांचे मृतदेह चाकण ग्रामीण रुग्णालयात शवविच्छेदन व उत्तरीय तपासणीसाठी आणण्यात आले आहे. दरम्यान गुन्हा दाखल करण्याची कार्यवाही महाळुंगे पोलिसांत सुरु असल्याचे महाळुंगे पोलीस चौकीचे गुन्हे शाखेचे पोलीस निरीक्षक किशोर पाटील यांनी सागितले.