महिलेला मारहाण करत तिच्या घरावर दगडफेक केली, आरोपी गजाआड

चिंचवड: वडिलांच्या विरोधात पोलीसात तक्रार का केली म्हणत आरोपीने महिलेला मारहाण करत तिच्या घरावर दगडफेक केली आहे. हा प्रकार वाल्हेकरवाडी येथे घडला आहे.

महिलेने याप्रकरणी फिर्याद दिली असून चिंचवड पोलिसांनी आरोपी सोन्या नवनाथ सलगर (वय 20 रा. वाल्हेकरवाडी) याला अटक केली आहे.

पोलिसांनी दिलेल्या माहितीनुसार, फिर्यादी यांनी आरोपीच्या वडिलांवरिधात पोलीस ठाण्यात तक्रार दिली याचा राग मनात धरून फिर्यादीच्या घरी येवून आरोपीने फिर्यादीला मारहाण करत त्यांचा विनयभंग केला.तसेच फिर्यादीचा मुलगा त्यांना सोडविण्यास आला असता त्यालाही मारहाण केली. तसेच फिर्यादी यांचा मोबाईल जमिनीवर आपटून त्याचे नुकसान केले. त्यानंतर रात्री घरी जात फिर्यादी घरावर दगडफेक करून घराचे नुकसान केले. यावरून चिंचवड पोलिसांनी आरोपीला अटक केली असून पोलीस पुढिल तपास करत आहेत.