येरवडा भागातील पार्किंगमधे बदल, नागरिकांच्या सूचना व हरकती विचारात घेणार

येरवडा: येरवडा वाहतूक विभागाअंतर्गत कल्याणी व्हेज हॉटेल ते लेक्सीकन शाळा आणि एमएसईबी ऑफीस ते सायबेज कंपनी कॉर्नर, मारिगोल्ड सोसायटी गेट ते कुमार कृती सोसायटीपर्यंत चारचाकी व दुचाकीसाठी संपूर्ण समांतर पार्किंग करण्यात येत आहे.

याबाबत नागरिकांनी आपल्या सुचना असल्यास पोलीस उपआयुक्त, वाहतूक नियंत्रण शाखा, बंगला क्रमांक 6, येरवडा टपाल कचेरीजवळ 20 सप्टेंबरपर्यंत लेखी स्वरुपात कळवावे. नागरिकांच्या सूचना व हरकती विचार करुन अंतिम आदेश काढण्यात येणार आहेत. अत्यावश्यक सेवेतील (उदा. फायर ब्रिगेड, पोलीस वाहने, रुग्णवाहिका आदी) वाहनांना हे आदेश लागू नसतील असे वाहतूक विभागाचे पोलीस उपआयुक्त राहुल श्रीरामे यांनी कळविले आहे.