खून व मोक्का सारख्या गुन्ह्यात फरार असलेल्या आरोपी पळून जाण्याच्या तयारीत असताना अटक

खून व मोक्का सारख्या गुन्ह्यात फरार असलेल्या आरोपीला गावी पळून जाण्याच्या तयारीत असताना कोंढवा पोलिसांनी अटक केली आहे. आरोपी शेवाळे टोळीतील असून तो दीड वर्षापासून फरार होता. ही कारवाई हांडेवाडी चौकात करण्यात आली. आकाश शांताराम काळे (वय-24 रा. माऊली बिल्डींग, फुरसुंगी, हडपसर) असे अटक केलेल्या आरोपीचे नाव आहे. कोंढवा पोलीस ठाण्याच्या हद्दीत 2021 मध्ये खुनाची घटना घडली होती. तेव्हापासून आरोपी आकाश काळे हा दीड वर्षापासून फरार होता.
कोंढवा पोलीस ठाण्यातील तपास पथकाचे पोलीस अधिकारी ऑल आऊट कोंबिंग ऑपरेशनच्या अनुषंगाने हद्दीत पेट्रोलींग करत होते. त्यावेळी पोलीस अंमलदार गोरखनाथ चिनके, संतोष बनसुडे यांना माहिती मिळाळी की, कोंढवा पोलीस ठाण्यात दाखल असलेल्या गुन्ह्यातील आणि मोक्का कारवाई करण्यात आलेला फरार आरोपी हांडेवाडी चौकात येणार आहे. तेथून तो गावी पळून जाण्याच्या तयारीत असल्याची माहिती मिळाली. पोलिसांनी हांडेवाडी चौकात सापळा रचून आरोपीला अटक केली